काठमाडौं –इस्लाम धर्मावलम्बीको महान् पर्व इदुलफित्र हर्षोेल्लासका साथ शनिबार मनाइएको छ ।
इदुलफित्राका अवसरमा इस्लाम धर्मावलम्बीले सामूहिक नमाज (प्रार्थना) गर्नाका साथै एकापसमा अँगालो मारेर बधाई तथा शुभकामना) साटासाट गरिएको छ ।
एक महिनासम्म चलेको रमजान पर्वमा मुुसलमान समूदायहरू दिनमा निराहार बस्छन् । शरीरलाई चोखो राखेर मात्र रोजा बस्नुपर्छ ।
दान दिनु गरिब र दीनदुःखीलाई सेवा गर्नु, जकात निकाल्नु यो महिनाको ठूलो विशेषता हो । कुलतमा लागेका मानिस एक महिना इमान्दारीपूर्वक रोजा बस्न सक्यो भने चुरोट, खैनी, गुट्खा आदि पदार्थ खाने बानीमा परिवर्तन आउन सकिने अनुमान गर्न सकिन्छ । त्याग, तपस्या र बलिदान सबै जोडिने यो पर्वमा मुसलमान रोजा बस्नुलाई गर्व मान्दछन् ।
नाबालक, बिरामी, घातक रोग लागेका र गर्भवती महिलालाई रोजा बस्न अनिवार्य छैन ।
यस पर्वमा बिर्यानी, पुलाउ, सेबइ, दुग्ध, मासुका परिकार, फलफूल र मिठाई साथीभाइ, इस्टमित्रलाई खुवाउने प्रचलन रहिआएको छ ।
