काठमाडौँ– राष्ट्रिय स्वतन्त्र पार्टीका सभापति (रास्वपा) सभापति रवि लामिछानेले अडियो प्रकरणलाई चुनावी हतियार बनाएर आफूमाथि थप आक्रमणका लागि भएभरको शक्ति लगाइएको बताएका छन् ।
उनले आइतबार साँझ सामाजिक सञ्जालमार्फत यस्तो बताएका हुन् ।
पूर्वउपप्रधान तथा गृहमन्त्रीसमेत रहेका लामिछानले रास्वपा भ्रष्टलाई राख्ने, जोगाउने र पाल्ने पार्टी नभएको स्पष्ट पारेका छन् ।
‘अब यसलाई चुनावी हतियार बनाउँदै थप आक्रमणका लागि भएभरको शक्ति लगाइँदै छ,’ उनले फेसबुकमा लेखेका छन्, ‘ढुक्क हुनुस् रास्वपा भ्रष्टलाई राख्ने, जोगाउने, पाल्ने पार्टी होइन । पैसाको लेनदेन हुनु त परको कुरा लेनदेनको कुरा मात्र गर्दा पनि हामी सहदैनौँ । कडाभन्दा कडा कारबाही गछौँ ।’
रास्वपाका सांसद डा. ढाकाकुमार श्रेष्ठले मेडिकल व्यवसायी दुर्गा प्रसाइँसँग दुई करोड रुपैयाँ मागेको अडियो आइतबार सार्वजनिक भएको थियो । सो अडियोमा श्रेष्ठले सभापति लामिछानेको नाम लिँदै आफू स्वास्थ्यमन्त्री बन्न लागेको र त्यसका लागि उनलाई दुई करोड बुझाउनुपर्ने बताएका छन् ।
अडियो सार्वजनिक भएलगत्तै लामिछानेले श्रेष्ठलाई सांसदबाट निलम्बन गरेका थिए ।
यस्तो छ लामिछानेको आरोप :
