तराईमा मौलाएको मिटरब्याजबाट पीडित बनेकाहरूको अर्को टोली सिंहदरबार घेर्ने भन्र्द काठमाडौं आइपुगेको छ । उनीहरूको एउटा टोली सरकारसँग गरेका सम्झौताअनुृसार काम नभएको भन्दै सरकारलाई खबरदारी गर्न काठमाडौं आउने बित्तिकै माइतीघरबाट सिंहदबार घेरासम्म प्रदर्शन गरेका छन् ।
शनिबार सरकारले मिटरब्याज पीडत संघर्ष समितिसँग पाँच बुँदे सहमति गरेको थियो । पीडितहरूले मिटरब्याज तथा ठगीविरुद्ध किसान मजदुर संघर्ष समिति नै बनाएका छन् ।
सरकारले आयोग गठन गर्ने भनिए पनि कानुन अभावमा त्यसले काम गर्न नसक्ले उनीहरूको गुनासो छ । यसअघि बैशाख र साउनमा ६१ दिनसम्म नवलपरासीसहितका पीडितहरू माइतीघर मण्डलामा धर्ना बसेका थिए ।
सानेपाबाट कुपोन्डोलको नयाँ पुल, त्रिपुरेश्वर, थापाथली हुँदै माइतीघर मण्डला आएर उनीहरूले विरोध जनाए ।
मिटरब्याज तथा ठगीविरुद्ध किसान–मजदुर संघर्ष समितिको अगुवाइमा आएका पीडितहरूले भूमिहीन बनाइएका किसानहरूको जमिन फिर्ता गरी कानुनले तोके बमोजिमको व्याज बाहेकको सबै रकम क्षतिपूर्तिसहित फिर्ता गर्नुपर्ने बताउँदै आएका छन् ।
