वसन्त ऋतु आफैमा लोगलाग्दो हुन्छ । यस ऋतुको आगमनसँग मनमा शीतलता र उमङ्ग प्रदान गर्छ ।
काठमाडौंको सौन्दर्य यतीबेला वसन्त ऋतुको आगमनसँगै फेरिएको छ । राजधानी निकै मोहक, सुन्दर र प्रफुल्लित देखिएको छ । काठमाडौँको सडकपेटीदेखि लिएर सरकारी कार्यालयको आँगनमा फुलेका रंगीविरंगी फूलहरूले वातावरणलाई थप शोभित बनाएको छ । जताततै रंगीचंगी फूल र हरियालीले काठमाडौं फूलमय बनेको छ ।
फूल भन्ने बित्तिकै प्राकृतिक रूपमा मान्छेको मनै लोभाउने भएकाले पनि वसन्त ऋतृले थप सौन्दर्यसँगै आर्कषित बनाउँछ ।
राजधानीकै मुटु माइतीघर वसन्त ऋतुमा पलाएका फूलले नयाँ रुप पाएको छ ।  माइतीघरको सडकपेटी वरिपरि रोपिएका फूलहरू फुल्दा माइतीघर निकै सुन्दर देखिएको छ । रंगीविरंगी फूलले माइतीघर निकै सुन्दर र आकर्षण देखिएको छ ।