काठमाडौ– शिवम् सिमेन्टद्वारा ‘शिवमसँग उपहार टन्न’ उपहार योजनाको मेगा लक्की ड्र अन्तर्गत भाग्यशाली (उपभोक्तातर्फ ३० जना तथा विक्रेता तर्फ ३०जना) ६० जना विजेताहरुको नाम लक्की–ड्रमार्फत सार्वजनिक गरिएको छ । जस अन्तर्गत उपभोक्तातर्फ ४७ तोला तथा विक्रेता तर्फ ४७ तोला सुन उपहार राखिएको थियो ।
मेगा लक्की ड्र कार्यक्रममा उपभोक्ता तर्फ प्रथम पुरस्कारवापत २ भाग्यशाली विजेता बाग्मती–पोखरा क्षेत्रबाट कृष्ण मानन्धर र उपत्यका बाहिरबाट चन्चल चौधरीले ५÷५ तोला सुन प्राप्त गरेका छन् ।
दोस्रो पुरस्कार अन्तर्गत शिवराम, युवराज कार्की, चन्दन सिंह र सुरेश गरी ४ जनाले ३÷३ तोला सुन जितेका छन भने तेस्रो पुरस्कार अन्तर्गत विनोद आचार्य, नकुल पौडेल, शाह इन्जिनियरिङ कन्ट्रक्शन प्रा.लि, हेल्थ एण्ड हाइजनिक प्रा.लि, अरुण यादव तथा मनोज यादव गरी ६ जनाले २÷२ तोला सुन जित्न सफल भएका छन् ।
त्यस्तै चौथो ८ जनालाई १÷१ तोला सुन तथा अन्य १० जनाले आधा÷आधा तोला सुन जित्न सफल भएका छन् ।
यसअघि भएका मासिक लक्की–ड्रहरूबाट उपभोक्ता तर्फ ६० जना तथा बिक्रेतातर्फ ८० जना भाग्यशाली विजेताहरूको छनोट भइ सकेको छन् ।
जसअन्तर्गत ४ जोडीले थाईल्याड भ्रमण, ८ जोडीले गोसाईकुण्ड हेली टुर, २० जोडीले माउन्टेन फ्लाईट, २८ जनाले आधा केजी.चाँदी, ३२ जनाले हिराको औंठी, १६ जनाले सुनको सिक्री, १६ जनाले सुनको औंठी र १६ जनाले २ ग्राम सुनको सिक्का जितिसकेका छन् ।
साथै स्योरसट पुरस्कार मार्फत पनि २ लाख २५ हजार भन्दा बढि ग्राहकहरूले सुन, चाँदी तथा नगद उपहारबाट लाभान्वित भएका छन् ।
शिवम् सिमेन्टले १८ मङसिरदेखि यो उपहार योजना सार्वजनिक गरेको थियो ।
