नेपाली टोलीलाई शुभकामना दिँदै ओलीले भने– मलाई आजको दिनको प्रतीक्षा अस्तिदेखि नै थियो
काठमाडौँ– नेकपा (एमाले)का अध्यक्ष केपी शर्मा ओलीले नेपाली राष्ट्रिय क्रिकेट टोलीलाई जितको शुभकामना दिएका छन् ।
खेल सुरु हुनुभन्दा अघि शुभकामना दिँदै पूर्वप्रधानमन्त्रीसमेत रहेका ओलीले आफूलाई आजको दिनको प्रतीक्षा अस्तिदेखि नै रहेको बताएका छन् ।
‘मलाई आजको दिनको प्रतीक्षा अस्तिदेखि नै थियो । उच्च आत्मबलका साथ नेपाललाई विश्वकपमा प्रवेश गराउने सफलताको लागि नेपाली क्रिकेट टिमलाई शुभकामना !’, उनले फेसबुकमा लेखेका छन् ।
आइसिसी क्रिकेट विश्वकप लिग– २ अन्तर्गत अहिले नेपाल र युएईबीच खेल चलिरहेको छ । खेलमा नेपालले पहिले फिल्डिङ गरिरहेको छ ।
यसैबीच, प्रधानमन्त्री पुष्पकमल दाहाल प्रचण्ड पनि कीर्तिपुरस्थित त्रिवि क्रिकेट मैदानमा पुगेका छन् ।
प्रधानमन्त्री प्रचण्ड नेपाली राष्ट्रिय क्रिकेट टोलीको हौसला बढाउन खेलस्थल पुगेको उनको सचिवालयले जनाएको छ ।
प्रकाशित मिति: बिहीबार, चैत २, २०७९ १०:२६
प्रतिक्रिया दिनुहोस्
-1705059657.webp "राष्ट्र निर्माताको जन्मजयन्तीमा एकता दिवस मनाउनु राम्रो हो : ओली")