राष्ट्रपतिले आज नवनिर्वाचित सांसदरूलाई चियापानमा बोलाइन्
काठमाडौँ –राष्ट्रपति विद्यादेवी भण्डारीले शनिबार संघीय संसदका नवनिर्वाचित सांसदहरूलाई चियापानका लागि निमन्त्रणा गरेकी छन् । कार्यकाल सकिन लागेकाले नवनिर्वाचित सांसदहरूलाई बधाई तथा कार्यकाल सफलताको शुभकामना दिन चियापान कार्यक्रमको आयोजना गरिएको हो ।
चियापान शनिबार दिउँसो ३ बजे शीतल निवासमा आयोजना गरिएको राष्ट्रपति कार्यालयले जनाएको छ ।
राष्ट्रपति कार्यालयका प्रवक्ता सागर आचार्यका अनुसार संघीय संसदका नवनिर्वाचित सांसदहरूलाई चियापान कार्यक्रमको आयोजना गरिएको छ ।
फागुन २५ गते राष्ट्रपतिको निर्वाचन तय भइसकेकाले राष्ट्रपति भण्डारीले चियापान कार्यक्रममार्फत् विदाइको संकेत दिने तयारी गरेकि छन् । उनको कार्यकाल फागुन २८ सकिँदैछ ।
चियापान कार्यक्रममा संघीय सांसदसँगै विशिष्ट व्यक्तित्वहरूको पनि सहभागिता रहने राष्ट्रपति कार्यालयले जनाएको छ ।
प्रकाशित मिति: शनिबार, माघ २८, २०७९ ११:४९
प्रतिक्रिया दिनुहोस्