नेभिगेशन
समाचार

परराष्ट्रमन्त्री पौड्याल श्रीलंका जाँदै

काठमाडौँ– परराष्ट्रमन्त्री डा. विमला राई पौड्याल श्रीलंकाको ७५औँ स्वतन्त्रता दिवसको अवसरमा आयोजना हुने विशेष समारोहमा सहभागी हुन जाँदै छिन् । 

उनी आफ्ना श्रीलंकाली समकक्षी अली साब्रीको निमन्त्रणामा कोलोम्बोमा यही माघ २० र २१ गते ९फेब्रुअरी ३ र ४ तारिख० मा हुने विशेष समारोहमा अतिथिको रूपमा सहभागी हुन दिउँसो १२ बजे श्रीलंका जाने परराष्ट्र मन्त्रालयले जनाएको छ ।

परराष्ट्रमन्त्री पौड्याल माघ २० गते कोलम्बोमा आफ्ना समकक्षीसँग भेटवार्ता गर्नुका साथै स्वतन्त्रता चोकमा राष्ट्रपतिको सचिवालयले आयोजना गर्ने सांस्कृतिक महोत्सव ‘लंकारालंका’मा सहभागी हुने कार्यक्रम छ ।

यसैगरी माघ २१ गते ७५औँ स्वतन्त्रता दिवस समारोहमा सहभागी हुने, श्रीलंकाका राष्ट्रपति र प्रधानमन्त्रीसँग शिष्टाचार भेट गर्ने र राष्ट्रपतिले आयोजना गर्ने स्वागत समारोहमा सहभागी भएर उनी  माघ २५ गते स्वदेश फर्किने छिन् ।

प्रकाशित मिति:
प्रतिक्रिया दिनुहोस्
थप समाचार