पम्फा भुसालको आरोप : ‘सरकारका कदमहरू सुशासनविरुद्ध छन्’

काठमाडौँ- नेकपा (माओवादी केन्द्र) की उपाध्यक्ष पम्फा भुसालले वर्तमान सरकारका कदमहरू सुशासनविरुद्ध रहेको आरोप लगाएकी छिन् ।

जनकपुरमा आइतबार पत्रकारहरूसँग कुरा गर्दै उनले सरकार सुशासनविरुद्ध भ्रष्टाचारजन्य, आफ्ना प्रतिद्वन्द्वीमाथि प्रतिशोध साँध्ने र जनविरोधी कानुनहरू ल्याउनेतिर लागेको आरोप लगाइन् ।

‘सरकारका एकपछि अर्को कदमहरू सुशासनविरुद्ध भ्रष्टाचारजन्य, आफ्ना प्रतिद्वन्द्वीमाथि प्रतिशोध साँध्ने, जनविरोधी कानुनहरू ल्याउने गरिरहेको छ,’ भुसालले भनिन् ।

भूमि विधेयक, संघीय निजामती ऐनमा देखिएको गडबडी लगाएका विषय केलाउँदै सरकारले विधेयक अड्काएर राख्ने गरेको बताइन् ।

‘यहाँहरूले सुन्नुभएको छ, भूमि सम्बन्धी विद्येययको । संघियताको कार्यन्यवनका निम्ति बनेको संघीय निजामती ऐनमा कुलिङ अफ द पिरियडमाथि छेडखानी गरेर अहिले पनि त्यसलाई ढिलाइ गरिरहेको छ,’ उनले भनिन् ।

संविधानको मूल मर्मअनुरूप कानुन बनाउने, कार्यान्वयन गर्ने, समावेशी संघिय लोकतान्त्रिक गणतन्त्रलाई बलियो बनाउनेतिर सरकार नभएको उनको जिकिर छ ।

‘संविधानको मूल मर्मअनुरूप कानुन बनाउने, कार्यान्वयन गर्ने, समावेशी संघीय लोकतान्त्रिक गणतन्त्रलाई बलियो बनाउनेतिर छैन,’ उनले भनिन् ।

उनले माओवादी पार्टीले विचार र कार्यदिशा मिल्ने सबै दलहरूसँग एकता गर्नको लागि वार्ता गरिरहेको पनि जानकारी दिइन् ।

एकीकृत समाजवादी, नेत्रविक्रमचन्द नेतृत्वको नेपालकम्युनिष्ट पार्टी, महेन्द्र यादवले नेतृत्व गरेको नेपाल समाजवादी पार्टी सबैसँग पार्टी एकताको लागी वार्ता चलिरहेको तर निष्कर्ष आउन बाँकी रहेको उनको भनाइ छ ।