वेस्ट इन्डिजविरुद्धको सिरिजका लागि इङ्ल्यान्डको टिम घोषणा

काठमाडौँ - यहि मे २९ देखि सुरु हुने वेस्ट इन्डिजविरुद्धको सिरिजका लागि इङ्ल्यान्डले एकदिवसीय र टी-२० टोलीको घोषणा गरेको छ । 

ह्यारी ब्रुकलाई ह्वाइट बल क्रिकेटको कप्तान बनाएपछि यो इङ्गल्याण्डको पहिलो सिरिज हो । 

बायाँ हाते स्पिनर लियाम डसनले २०२२ पछि पहिलो पटक टी-२० टोलीमा स्थान पाए भने फिल साल्ट पनि सबैभन्दा टी-२० टिममा फर्किएका छन् । त्यस्तै जोफ्रा आर्चरले एकदिवसीय सिरिज  खेल्नेछन्, तर उनको चोटलाई ध्यानमा राख्दै उनलाई टी-२० सिरिजबाट बाहिर राखिएको छ ।

२०२५ को च्याम्पियन्स ट्रफीमा इङ्ल्यान्डको पराजयपछि विकेटकिपर जोस बटलरले इङ्ल्यान्डको एकदिवसीय र टी-२० कप्तानबाट राजीनामा दिएका थिए । उनीपछि, ह्यारी ब्रुकलाई कप्तानी दिइएको थियो । बटलरको कप्तानीमा, इंग्लिस टोली २०२४ को टी-२० विश्वकपको सेमिफाइनलमा र २०२३ को एकदिवसीय विश्वकपको समूह चरणमा बाहिरिएको थियो । यद्यपि, उनको नेतृत्वमा टोलीले २०२२ को टी-२० विश्वकप जितेको थियो ।

यस अघि वेस्ट इन्डिजले मे ५ मा नै इङ्ल्यान्ड भ्रमणको लागि आफ्नो टोली घोषणा गरेको थियो । वेस्ट इन्डिजको टिममा शिमरोन हेटमायरलाई बाहिर राखिएको छ । शाई होपले दुवै टोलीको कप्तानी गर्नेछन् भने ब्रान्डन किङ र एभिन लुइसले टी-२० मा इनिङको सुरुवात गर्न सक्छन् । आइपीएलमा लखनउका खेलाडी रहेका शमर जोसेफ पनि टोलीमा छन् ।

क्यारिबियन टोलीले इङ्गल्याण्डको सामना गर्नुअघि मे २१ देखि डब्लिनमा आयरल्याण्ड विरुद्ध तीन एकदिवसीय खेलको सिरिज पनि खेल्नेछ । बोर्डले आयरल्याण्ड र इङ्गल्याण्ड दुवै विरुद्धको सिरिजका लागि एउटै टोली घोषणा गरेको छ ।

वेस्ट इन्डिज एकदिवसीय टोली

शाइ होप (कप्तान), ज्वेल एन्ड्रयु, कीसी कार्टी, रोस्टन चेस, म्याथ्यू फोर्ड, जस्टिन ग्रीभ्स, आमिर जंगु, अल्जारी जोसेफ, शमर जोसेफ, ब्रान्डन किङ, इभिन लुइस, गुडाकेश मोती, शेरफेन रदरफोर्ड, जेडेन सील्स र रोमारियो शेफर्ड ।

वेस्ट इन्डिज र इङ्ल्यान्डबीचको पहिलो एकदिवसीय खेल मे २९ मा खेलिनेछ । बाँकी २ एकदिवसीय खेल जुन १ र ३ मा कार्डिफ र केन्सिङ्टन ओभलमा खेलिनेछ । जुन ६,  ८ र १० मा ३ वटा टी-२० खेल खेलिनेछ । खेलहरू डरहम, ब्रिस्टल र साउथह्याम्प्टनमा हुनेछन् ।
इङ्गल्याण्डको टिम:  

एकदिवसीय टोली:

ह्यारी ब्रुक (कप्तान), जोफ्रा आर्चर, गस एटकिन्सन, टम ब्यान्टन, ज्याकब बेथेल, जोस बटलर, ब्राइडन कार्स, बेन डकेट, टम हार्टली, विल ज्याक्स, साकिब महमूद, जेमी ओभरटन, म्याथ्यू पोट्स, आदिल रशिद, जो रुट र जेमी स्मिथ ।
टी-२० टिम: 

ह्यारी ब्रुक (कप्तान), रेहान अहमद, टम ब्यान्टन, ज्याकब बेथेल, जोस बटलर, ब्राइडन कार्स, लियाम डसन, बेन डकेट, विल ज्याक्स, साकिब महमूद, जेमी ओभरटन, म्याथ्यू पोट्स, आदिल रशिद, फिल साल्ट र लुक वुड ।