काठमाडौँ - इलाम-२ को उपनिर्वाचनबाट प्रतिनिधि सभा सदस्यमा निर्वाचित सुहाङ नेम्वाङले आज शपथ ग्रहण गर्दै छन् ।
सभामुख देवराज घिमिरेले आज बिहान ११ बजे नेम्वाङलाई शपथ खुवाउँदै प्रतिनिधि सभा सदस्यको लोगो लगाएर सांसदको रूपमा जिम्मेवारी दिने छन् ।
शपथ ग्रहणको कार्यक्रम कृषि, सहकारी तथा प्राकृतिक स्रोत समितिको सभाहल सिंहदरवारमा राखिएको छ ।
गत वैशाख १५ गते सम्पन्न उपनिर्वाचनमा इलाम-२ बाट २७ हजार ७ सय ७२ मत पाएर नेम्वाङ विजयी भएका थिए । उनका निकटतम प्रतिद्वन्द्वी नेपाली काँग्रेसका डम्बरबहादुर खड्काले २१ हजार ९ सय ४२ मत पाएका थिए ।
प्रकाशित मिति: बुधबार, वैशाख २६, २०८१ ०७:४२
प्रतिक्रिया दिनुहोस्
