इलाम - इलाम-२ मा भएको उपनिर्वाचनमा मतदान सकिएको छ । मुख्यनिर्वाचन अधिकृत केशव घिमिरेका अनुसार ७९ मतदानस्थलका १४९ मतदान केन्द्रमै मतदान सकिएको हो । उनका अनुसार
इलाम-२ मा एक लाख १५ हजार ८८९ मतदातामध्ये करिब ६६ हजार मत खसेको छ ।
करिब ५७ प्रतिशत मत खसेको आकलन गरिएको उनले बताए ।
शनिबार बिहान ७ बजेदेखि साँझ ५ बजेसम्म मतदान भएको थियो । इलाम-२ मा एक स्थानका लागि राजनीतिक दलका १२ र स्वतन्त्र उम्मेदवार सातजना गरी १९ जनाले चुनावी प्रतिस्पर्धामा भाग लिएका छन् ।
प्रकाशित मिति: शनिबार, वैशाख १५, २०८१ १७:२८
प्रतिक्रिया दिनुहोस्
