बझाङ– बझाङको केदारस्युँ गाउँपालिका–१ गर्जेपानीस्थित सेती नदीमा सोमबारदेखि बेपत्ता रहेका एक जना स्वास्थ्य सहायकको शव फेला परेको छ।
जिल्ला प्रहरी कार्यालयका अनुसार केदारस्युँ गाउँपालिका–१ रायलका ४३ वर्षीय महेन्द्र मल्लको शव फेला परेको हो।
केदारस्युँ गाउँपालिका–९, झोता स्वास्थ्य चौकीमा स्वास्थ्य सहायक अधिकारी (अहेब) पदमा मल्ल कार्यरत थिए।
मंगलबार बेलुका सेतीमा माछा मार्ने व्यक्तिले शव देखेपछि प्रहरीलाई खबर गरेका थिए। मल्लको मृत्युको कारण खुल्न सकेको छैन।
प्रकाशित मिति: बुधबार, पुस १८, २०८० १०:१४
प्रतिक्रिया दिनुहोस्
