काठमाडौँ– नेपालको फूड डेलिभरी कम्पनी फूडमान्डुले अङ्ग्रेजी नयाँ वर्ष–२०२४ लाई लक्षित गर्दै ‘न्यू इयर फिस्ट’ अफर लिएर आएको छ ।
अफर अन्तर्गत काठमाडौँका ४० वटाभन्दा बढी रेस्टुरेन्टहरूको पुरै मेनुमा ३० प्रतिशतसम्म आकर्षक छुट प्रदान गरिने कम्पनिले जनाएको छ ।
अफरमा ग्राहकहरुले हरेक दिन फरक फरक डिस्काउन्ट भौचर कोड पनि प्राप्त गर्नेछन् । उक्त भौचर कोड फूडमान्डुको एप र फूडमान्डुको फेसबुक पेज मार्फत ग्राहकहरुले प्राप्त गर्न सकिनेछ । शनिबार देखि सुरु भएको अफर आगामी माघ १७ गतेसम्म लागु हुनेछ ।
फूडमान्डुका ब्रान्ड एंड मार्केटिङ मेनेजर इनेशा भट्टराईले भने, ‘हाम्रा ग्राहकहरुलाई ध्यानमा राख्दै अङ्ग्रेजी नयाँ वर्षको अवसर पारेर आकर्षक अफरहरु ल्याएका छौ । हामीलाई आशा छ हाम्रा ग्राहकहरुले यस अफरको भरपुर फाइदा लिनुहुनेछ र आफ्नो नयाँ वर्ष विशेष रुपले मनाउनु हुनेछ ।’
