बुटवल– नेकपा एमालेको लुम्बिनी प्रदेश अध्यक्षका लागि राधाकृष्ण कँडेल र हरि रिजालको उम्मेदवारी परेको छ ।

एमाले अध्यक्ष केपी शर्मा ओलीले सहमतिको सन्देश दिन निर्देशन दिएपछि सुरु भएको छलफलमा सहमति नभएपछि कँडेल र रिजालले आज साँझ उम्मेदवारी दर्ता गरेका हुन् । 

अध्यक्ष ओलीको निर्देशनपछि जुटेको छलफलमा दुबै आकांक्षी एकअर्कालाई छाड्न तयार नहुँदा प्रदेश अध्यक्षका लागि लुम्बिनी प्रदेशमा निर्वाचन नै हुने निश्चित भएको हो ।

उम्मेदवार कँडेलको प्रस्तावकमा राजुप्रसाद श्रेष्ठ र समर्थकमा भोजराज पोखरेल छन् । रिजालको प्रस्तावकमा विजयबिराट विष्ट र समर्थकमा बाला सिंह काउछा छन् । 

उम्मेदवारी दर्ताको समय भोलि विहान १० बजेसम्म भएको बताइएको छ ।