काठमाडौँ– मेटलाइफ नेपालले ‘मेकिंग स्पेस’ स्थापना गर्न श्री सिद्धि मंगल माध्यमिक विद्यालय, ललितपुरलाई सहयोग गर्न कारखाना समुहसँग साझेदारी गरेको छ ।
विज्ञान, प्रविधि, इन्जिनियरिङ्, कला, र गणित (स्टीम) क्लब स्थापना गर्ने र विद्यार्थीहरूलाई मेकिंग स्पेस भित्र विभिन्न डिजाइन सोच विचारहरू अन्वेषण गर्न, सिक्न र कार्यान्वयन गर्न अनुकूल वातावरण प्रदान गरेर सशक्त बनाउने लक्ष्यसहित मेटलाइफले कारखाना समुहसँग साझेदारी गरेको हो ।
मेटलाइफले जारी गरेको विज्ञप्तीमा भनिएको छ, ‘ह्यान्ड्स अन सिकाइ, रचनात्मकता र समस्या समाधान गर्ने सीपहरू प्रवर्द्धन गर्दै, मेकिंग स्पेस आधुनिक शिक्षाको पहिचान बनेको छ । यी सहयोगी ठाउँहरू उपकरणहरू, सामग्रीहरू, र प्रविधिहरूको एर्रेसँग सुसज्जित छन् जसले विद्यार्थीहरूलाई उनीहरूको विचारहरू जीवनमा ल्याउन सक्षम बनाउँछ र नवीनताको संस्कृतिलाई प्रेरणा दिन्छ ।’
साझेदारीअनुसार मेटलाइफले विद्यालयमा मेकिंग स्पेसको विकास गर्न कारखाना समुहलाई ४ लाख ७० हजार रुपैंयाँको सहयोग प्रदान गरेको छ ।
‘यस पहल मार्फत हामीले नवप्रवर्तनको बीउ छरिरहेका छौँ । जिज्ञासा र अन्वेषणको संस्कृतिको विकास गर्दैछौँ, जसले नेपालको शैक्षिक परिदृश्यमा निस्सन्देह प्रभाव पार्ने छ,’ मेटलाइफ नेपालका उपाध्यक्ष तथा महाप्रबन्धक निर्मलकाजी श्रेष्ठले भने, ‘विद्यार्थीहरूलाई सीप र आत्मविश्वासले उनीहरूका विचारहरूलाई जीवन्त बनाउनको लागि सुसज्जित गरेर, हामी राष्ट्रको उज्ज्वल भविष्यको विकास गर्दैछौं ।’
विद्यालयमा मेकिंग स्पेसको सहयोगमा मेटलाइफले शिक्षक र बालबालिका दुवैलाई सैद्धान्तिक ज्ञान र व्यावहारिक प्रयोगको बीचको खाडललाई कम गर्ने अवसर प्रदान गर्दै ल्याबको प्रयोग गर्न र वास्तविक–विश्व चुनौतीहरूको समाधान विकास गर्न गतिशील केन्द्रको रूपमा काम गर्ने कारखाना समुहले जनाएको छ ।
कम्पनीका अनुसार शिक्षक र विद्यार्थी दुवैका लागि प्रयोगात्मक सिकाइ कार्यक्रम सञ्चालन र कार्यान्वयन गर्नेछ । कारखाना समूहले विशेषज्ञ संस्थाहरुसँग साझेदारी गर्नेसमेत बताएको छ । प्राविधिक सीपहरूमा निपुण मात्र नभएर जटिल समस्याहरू समाधान गर्न पनि निपुर्ण बाल आविष्कारहरूको पुस्ता र एक रचनात्मक मानसिकता सिर्जना गर्न चाहेको मेटलाइफले जनाएको छ ।
