काठमाडौँका हलमा भारतीय चलचित्र चलाउन दिन उच्च अदालतको अन्तरिम आदेश

बिहीबार, असार ७, २०८०

काठमाडौँ– भारतीय चलचित्र चल्न नदिने काठमाडौँ महानगरपालिकाको निर्णयविरूद्ध चलचित्र संघले हालेको रिटमा उच्च अदालत पाटनले अन्तरिम आदेश दिएको छ । 

आज उच्च अदालतका न्यायाधीश धीरबहादुर चन्दको इजलासले अन्तरिम आदेश जारी गरेको हो । यससँगै अहिलेलाई भारतीय चलचित्रहरू चलाउन पाइने भएको छ ।

चलचित्र संघका कानुन व्यवसायी जयलाल भण्डारीका अनुसार यो विषयमा अन्तरिम आदेश छलफलका लागि अदालतले १२ असारमा दुबै पक्षलाई बोलाएको छ ।

भारतीय चलचित्र आदिपुरुषमा रहेको जानकी भारतीय छोरी हुन् भन्ने आशयको संवाद नहटाएको भन्दै काठमाडौँ महानगरका मेयर बालेन शाहले गत सोमबारदेखि भारतीय चलचित्र प्रदर्शनमा रोक लगाएका थिए ।

बालेनको उक्त निर्णयविरुद्ध चलचित्र संघ अदालत गएको थियो ।
 

प्रकाशित मिति: बिहीबार, असार ७, २०८०  १४:२३
प्रतिक्रिया दिनुहोस्