भारतका प्रधानमन्त्री मोदीले गरे राष्ट्रपति पौडेलको स्वास्थ्यलाभको कामना

बिहीबार, वैशाख ७, २०८०

काठमाडौँ– भारतका प्रधानमन्त्री नरेन्द्र मोदीले त्यहाँको राजधानी नयाँ दिल्लीमा उपचाररत राष्ट्रपति रामचन्द्र पौडेलको शीघ्र स्वास्थ्यलाभको कामना गरेका छन् ।

भारतीय प्रधानमन्त्री मोदीले बुधबार उनको स्वास्थ्य लाभको कामना गर्दै पठाएको सन्देश प्राप्त भएको नयाँ दिल्लीस्थित नेपाली दूतावासले जनाएको छ । राष्ट्रपति पौडेल उपचारका लागि बुधबार भारत प्रस्थान गरेका हुन् ।

उनको स्वास्थ्य परीक्षण तथा उपचार नयाँ दिल्लीस्थित अखिल भारतीय आयुर्विज्ञान संस्थानमा आज दिउँसोदेखि सुरु भएको दूतावासले जनाएको छ ।

चिकित्सकको निगरानीमा रहेका राष्ट्रपति पौडेलको स्वास्थ्यावस्था स्थिर रहेको छ ।
 

प्रकाशित मिति: बिहीबार, वैशाख ७, २०८०  ०७:२१
प्रतिक्रिया दिनुहोस्