काठमाडौं–आइएमई पेले वालेट–टू–वालेट ट्रान्सफरलाई प्राथमिकता दिँदै नयाँ अफर सार्वजनिक गरेको छ। आइएमई ग्रुप अन्तर्गत ‘आइएमई डिजिटल सोलुसन लिमिटेड’को आइएमई पेले ‘तिमीलाई पनि, मलाई पनि’ नामक अफर सार्वजनिक गरेको हो ।
यो अफर चैत २९ गतेदेखि लागू भएको छ भने २०८० भाद्र २६ गतेसम्म चल्नेछ । अफरअन्तर्गत ग्राहकले आइएमई पेमा वालेट–टू–वालेट ट्रान्सफर अर्थात आइएमई पे वालेटबाट आइएमई पे वालेटमै पैसा पठाउने वा पाउने सेवा प्रयोग गरी स्मार्टवाच जित्ने मौका पाउनेछन् ।
पाँच महिनासम्म चल्ने यस अफरअन्तर्गत प्रत्येक महिनाको अन्त्यमा दुई जना भाग्यशाली विजेता छनौट गरिनेछ । विजेता छनौट गोलाप्रथाबाट हुने कम्पनीले जनाएको छ ।
कम्पनीका अनुसार ग्राहकमा वालेट–टु–वालेट ट्रान्सफर (पिटूपि) सेवाको सहजता र महत्वको जानकारी प्रदान गर्नका लागि यस प्रकारको अफर सार्वनजिक गरिएको हो ।
साथै, ग्राहकहरूलाई विद्युतीय भुक्त्तानी माध्यममार्फत कारोबार गर्न उत्प्रेरित गर्ने उद्देश्यका साथ यो अफर सार्वजनिक गरिएको हो । आइएमई पे मोबाइल वालेटमार्फत सेवाग्राही आफैले अथवा एजेन्टहरूका मार्फत विभिन्न किसिमको भुक्तानी कार्यहरू गर्न सकिन्छ ।
