Nic Ad Nic Ad
Nic Ad Nic Ad

चेन्नाईमाथि गुजरातको अपराजित यात्रा कायमै, उद्घाटन खेलमा ५ विकेटले हरायो

शनिबार, चैत १८, २०७९

काठमाडौँ– १६ औँ संस्करणको इन्डियन प्रिमियर लिग (आइपिएल)को उद्घाटन खेलमा साविक विजेता गुजरात टाइटन्सले घरेलु टोली चेन्नाई सुपर किंग्सलाई हराएको छ ।

अहमदाबादस्थित विश्वकैै ठूलो क्रिकेट रंगशालामा गएराति भएको खेलमा चेन्नाईलाई ५ विकेटले पराजित गरेको हो । 

चेन्नाईले दिएको १७८ रनको लक्ष्य गुजरातले १९.२ ओभरमा ५ विकेट गुमाएर पूरा गर्यो । 

गुजरातका लागि ओपनर शुभमन गिलले सर्वाधिक रन बनाए । उनले ६३ रनको अर्धशतकीय पारी खेलेका थिए ।

यस्तै, विजय शंकरले २७ तथा ऋिद्धिमान शाहले २५ रन बनाए । साई सुदर्शनले २२, राहुल तेवातियाले अविजित १५, राशिद खानले अविजित १० तथा हार्दिक पाड्याले १० रन जोडे । 

गुजरातका मोहम्मद सामी, अल्जारी जासेफ र राशिद खानले समान २-२ तथा जोश लिटिलले १ विकेट लिए । 

त्यसअघि टस हारेर पहिले ब्याटिङ गरेको चेन्नाईले २० ओभरमा ७ विकेट गुमाएर १७८ रन बनाएको हो ।  

ऋतुराज गायकवाडले ५० बलमा ४ चौका र ९ छक्काको सहयोगमा ९२ रनको अर्धशतकीय पारी खेले । 

यसैगरी, मोइन अलीले २३ तथा शिवम दुवेले १९ रन बनाए ।

चेन्नाईका लागि यही खेलमा आइपिएलमा डेब्यू गरेका राजवर्धन हांगर्गेकरले ३ तथा तुसारदेश पाण्डे र रवीन्द्र जडेजाले समान १÷१ विकेट लिए । 

साविक विजेता गुजरातले जारी आइपिएलमा सुखद सुरुवात गर्ने क्रममा चेन्नाईविरुद्ध अपराजित यात्रालाई जारी राखेको छ । ३ खेल खेल्दा गुजरातले सबैमा जित निकालेको छ ।

पहिलो खेलमा नै जित हात पारेको गुजरात १० टोली सहभागी रहेको प्रतियोगिताको शीर्ष स्थानमा रहेको छ । 
 

प्रकाशित मिति: शनिबार, चैत १८, २०७९  ०७:१०
प्रतिक्रिया दिनुहोस्