काठमाडौं –वित्तीय साक्षरता जगाउने उद्देश्यले हरेक वर्ष विश्वव्यापी रूपमा मनाइने ‘ग्लोबल मनी सप्ताह २०२३’ माछापुच्छ्रे बैंक लिमिटेडले मनाएको छ ।
यस वर्ष बैंकले देशव्यापी छरिएर रहेका आफ्ना शाखा कार्यालयहरू मार्फत विभिन्न प्रकारका वित्तीय साक्षरता कार्याक्रमहरू आयोजना गरेको छ ।
बैंकले देशका सातवटै प्रदेशमा स्थानीय स्कुल, कलेज, क्लबहरुसँग समन्वय गरेर विभिन्न तहका विद्यार्थी, महिला तथा ज्येष्ठ नागरिकहरुलाई लक्षित गर्दै अन्तक्र्रिया कार्यक्रमहरूको आयोजना गरी ‘ग्लोबल मनी सप्ताह २०२३’ मनाएको हो ।
हाल बैंकले १६५ शाखा, ११ एक्सटेन्सन काउन्टर, १३३ शाखारहित बैंकिङ्ग सेवा र २०६ एटीएम मार्फत १४ लाखभन्दा बढी ग्राहकहरूलाई सेवा दिँदै आएको छ ।
प्रकाशित मिति: शुक्रबार, चैत १७, २०७९ २१:३३
प्रतिक्रिया दिनुहोस्
