काठमाडौँ– स्टार फरवार्ड मोहम्मद सलाह पेनाल्टीमा चुक्दा बिलग क्लब मानिएको लिभरपुल तुलनात्मक कमजोर बर्नमाउथसँग स्तब्ध भएको छ ।
इंग्लिस प्रिमियर लिग फुटबलअन्तर्गत गएरातिको खेलमा लिभरपुल घरेलु टोली बर्नमाउथसँग १–० गोल अन्तरले पराजित हुँदै स्तब्ध बनेको हो ।
लिभरपुललाई स्तब्ध पार्न बर्नमाउथका फिलिप विलिङले पहिलो हाफको २८ औँ मिनेटमा गरेको गोल नै काफी रह्यो ।
७० औँ मिनेटमा लिभरपुलले खेललाई कम्तीमा बराबरी गर्ने अवसर पाएको थियो । तर, इजिप्टका स्टार सलाह पेनाल्टीमा चुक्दा लिभरपुल पराजित हुन पुग्यो ।
यस जितसँगै बर्नमाउथ २६ खेलबाट २४ अंक जोडेर १७ औँ स्थानमा उक्लिएको छ । पराजित लिभरपुल २६ खेलबाट ४२ अंक जोडेर पाँचौं स्थानमा छ । यो च्याम्पियन्स लिगभन्दा तलको स्थान हो ।
प्रकाशित मिति: आइतबार, फागुन २८, २०७९ ०६:४७
प्रतिक्रिया दिनुहोस्
