काठमाडौँ– नेपालका लागि सुजुकी ब्रान्डको ४ पांग्रे सवारीसाधनको आधिकारिक वितरक तथा सिजी होल्डिङअन्तर्गत अटोमोटिभ डिभिजन सिजी मोटोकर्प तथा सिजी नेक्स्ट जेनले नेपालमा २ नयाँ एसयुभी ‘द ग्रान्ड भिटारा’ र ‘ब्रेजा’ सार्वजनिक गरेको छ ।
दुवै गाडीका मूल्य पनि सार्वजनिक गरिएको छ ।
‘द ग्रान्ड भिटारा’, सुजुकीको बहुप्रतिष्ठित मोडल हो र यो नयाँ संस्करणको ग्रान्ड भिटारामा सुजुकीको आफ्नै क्राफ्टेड फ्युचरिजम डिजाइन ल्यांग्वेजको प्रयोग गरिएको जनाइएको छ । जसले अरूभन्दा फरक बाहिरी डिजाइन र प्रिमियम इन्टेरियर प्रदान गरेको छ ।
सुजुकीको लेजेन्ड्री अल ग्रिप टेक्नोलोजीले यस एसयुभीको अफ–रोड क्षमता बढाउने दाबी गरिएको छ । साथै यो सेग्मेन्टको एसयुभीमा नभएका थुप्रै नयाँ फिचर पनि पाउन सकिने कम्पनीको भनाइ छ ।
ग्रान्ड भिटारामा भारतीय बजारमै पहिलो पटक, अत्याधुनिक र कम इन्धन खपत गर्ने फुल हाइब्रिड प्रविधियुक्त इन्जिन प्रयोग गरिएको छ ।
पुरानो संस्करणको भिटारा ब्रेजा, नेपालकै सर्वाधिक बिक्री हुने एसयुभी भएको कम्पनीको दाबी छ ।
ब्रेजामा अत्याधुनिक प्रविधि र नेक्स्ट–जेनेरेसनको आराम र सुविधाजनक फिचर पाउन सकिनेछ ।
एक ठुलो फड्को मार्दै, यो स्पोर्टी एसयुभीले स्टाइलिस र रोमाञ्चक नयाँ डिजाइन, शक्तिशाली पर्फमेन्स, उन्नत सुरक्षा सुविधाहरू प्रदान गर्ने बताइएको छ ।
नयाँ ब्रेजामा हाइटेक सुविधा छन्, जुन सहर र बाहिरका सडकमा चलाउँदा उपयोगी हुन्छ ।
निकै प्रतिस्पर्धी एसयुभी सेग्मेन्टमा यी २ एसयुभीले सुजुकीको उपस्थितिलाई अझै मजबुत बनाउने विश्वास कम्पनीले लिएको छ ।
सिजी होल्डिङका कार्यकारी निर्देशक करण चौधरीका अनुसार पछिलो समय नेपाली बजारमा एसयुभीको माग उच्च छ ।
यसको एउटा प्रमुख कारण नेपालका फरक–फरक ड्राइभिङ स्थल भएकाले एसयुभी उचित हुने जनाइएको छ ।
साथै ग्राहकले आकर्षक डिजाइन, आरामदायी इन्टेरियर, नयाँ नयाँ अटो मोबाइल प्रविधियुक्त सवारी नै रोज्ने गरेको कम्पनीको दाबी छ ।
