नेपालले दियो पिएनजीलाई २९८ रनको लक्ष्य
काठमाडौँ– आइसिसी क्रिकेट विश्वकप लिग–२ अन्तर्गत जारी खेलमा नेपालले पपुवा न्युगिनी (पिएनजी)लाई २९८ रनको विशाल लक्ष्य दिएको छ ।
कीर्तिपुरस्थित त्रिवि मैदानमा जारी खेलमा टस हारेर पहिले ब्याटिङ गरेको घरेलु टोली नेपालले ४९.१ ओभरमा सबै विकेट गुमाएर २९७ रन बनायो ।
नेपालले आफ्नो एकदिवसीय (ओडिआई) इतिहासमा बनाएको यो सबैभन्दा उच्च योगफल हो ।
नेपालका लागि ओपनर आसिफ शेखले सर्वाधिक रन बनाए । उनले ११० बलमा ११० नै रन बनाउँदै शतकीय पारी खेले ।
यस्तै, अर्का ओपनर कुशल भुर्तेलले ४५ रन बनाए । उनी अर्धशतक बनाउनबाट ५ रनले चुके ।
यसैगरी भीम सार्कीले ४४, कप्तान रोहित पौडेलले ३०, आरिफ शेखले १५ र ज्ञानेन्द्र मल्लले ११ रन बनाए ।
त्यस्तै, करण केसीले ८, सन्दीप लामिछाने र दीपेन्द्रसिंह ऐरीले ७, सोमपाल कामीले अविजित ४ तथा कुशल मल्लले २ रन बनाए ।
केहीबरेपछि पिएनजीले ब्याटिङ गर्नेछ ।