काठमाडौँ– नेकपा (एमाले)का सचिव योगेश भट्टराईले राष्ट्रपतिका दुई उम्मेदवारमा भिन्नता छुट्याएका छन् ।
उनले आज बिहान समाजिक सञ्जालमार्फत भिन्नता छुट्याउँदै आफ्नो पार्टीका तर्फबाट उम्मेदवार बनेका सुवासचन्द्र नेम्वाङको पक्षमा घुमाउरो पारामा वकालत गरेका छन् ।
1677304556.png)
भट्टराईले आठ दलीय गठबन्धनको तर्फबाट नेपाली कांग्रेसका उम्मेदवार रामचन्द्र पौडेल र एमालेका नेम्वाङ दुवैले भोट मागेको पत्र सार्वजनिक गरेका छन् । जसमा पौडेलको पत्रमा पार्टी (कांग्रेस)को झण्डा छ ।
यस्तै, नेम्वाङको पत्रमा भने राष्ट्रिय झण्डा अंकित छ । यसलाई लिएर भट्टराईले भनेका छन्, ‘राष्ट्रपतिका दुवै उम्मेदवारको पत्र प्राप्त भयो । एउटा राष्ट्रिय झण्डा (राष्ट्रकोे)भएको, अर्को चारतारे झण्डा (पार्टीको ) भएको ! कस्तो राष्ट्रपति, कसको राष्ट्रपति ?’
कांग्रेसका पौडेल पार्टीको र आफ्नो पार्टी एमालेका नेम्वाङ राष्ट्रको उम्मेदवार भएको सचिव भट्टराईको तर्क छ ।
राष्ट्रपतिको निर्वाचन यही फागुन २५ मा हुँदै छ ।
यस्तो छ भट्टराईको तर्क :
