काठमाडौँ– विवेकशील साझा पार्टीको अध्यक्षमा समीक्षा बाँस्कोटा सर्वसम्मत चयन भएकी छन्।
काठमाडौंमा शनिबार सम्पन्न पहिलो महाधिवेशनबाट बाँस्कोटा सर्वसम्मत रुपमा चयन भएकी हुन् ।
महाधिवेशन निर्वाचन समितिका संयोजक केशव दाहालका अनुसार उपाध्यक्षमा प्रकाश परियार, मिलन पाण्डे र विमला अधिकारी चयन भएका छन् ।
महासचिवमा रञ्जु दर्शना तथा सचिवमा पवित्रा थापा, विमला तामाङ र समुन्द्र केसी चयन भएका छन् । पार्टीको कोषाध्यक्षमा दामोदर नेपाल निर्वाचित भएको संयोजक दाहालले जानकारी दिए ।
यी सबै सर्वसम्मत रुपमा चयन भएको बताइएको छ। पार्टीमा ५१ सदस्यीय केन्द्रीय कार्यसमिति रहने व्यवस्था छ ।
गत मंसिरमा रवीन्द्र मिश्रले राजीनामा दिएपछि बाँस्कोटालाई अध्यक्ष चयन गरिएको थियो । अहिले उनैलाई निरन्तरता दिइएको हो।
प्रकाशित मिति: शनिबार, माघ २८, २०७९ २०:३२
प्रतिक्रिया दिनुहोस्
