वीरगञ्ज– बारामा अज्ञात समूहले चलाएको गोली लागेर भारतीय व्यापारी शिवपुजन यादव गम्भीर भएका छन् ।

बाराको महागढीमाई नगरपालिकाको भुतही पुल नजिकै चिया पसलमा मोटरसाइकलमा आएका दुई जना व्यक्तिले व्यापारी यादवलाई गोली हानेर भागेको प्रत्यक्षदर्शीले बताएका हुन् ।

बाराका प्रमुख प्रहरी उपरीक्षक होबिन्द्र बोगटीका अनुसार घाइते यादवको एलएस न्युरो अस्पतालमा उपचार भइरहेको छ । 

घटनाबारे थप विवरण आउन बाँकी रहेको उपरीक्षक बोगटीले जानकारी दिएका छन् ।