डिसीमा राष्ट्रिय सुरक्षा गार्ड तैनाथ गर्दै ट्रम्प

वाशिङ्टन – अमेरिकी राष्ट्रपति डोनाल्ड ट्रम्पले राजधानी वाशिङ्टन डिसीमा राष्ट्रिय सुरक्षा गार्ड तैनाथ गरेका छन्। उनले सहरको प्रहरी शक्तिलाई नियन्त्रणमा लिँदै सहरलाई अपराधमुक्त बनाउने तथा घरबारबिहीन रहित राजधानी बनाउने योजना सफल पार्न सुरक्षा गार्ड तैनाथ गरेका हुन्।

ट्रम्पले सोमबार नै आठ सय राष्ट्रिय सुरक्षा गार्ड तैनाथ गरेका छन्। उनले अबको अवस्थामा पूर्ण रूपमा गैरकानुनी काम रहित हुने पनि बताएका छन्। सहरमा मेयर मुरियल बाउजरले अपराध बढेको कुरा अस्वीकार गर्दै ३० वर्ष यता नै सबै भन्दा कम अपराध पछिल्लो वर्ष भएको उनको भनाइ छ।

पत्रकार सम्मेलनमा बोल्दै ट्रम्पले भने, ‘म हाम्रो राजधानी सहरलाई अपराध मुक्त बनाउन यो घोषणा गर्न गइरहेको छु। यो डिस्को स्वतन्त्रता दिवस हो। यसलाई म पुरानै अवस्थामा लैजान चाहन्छु।’

ट्रम्पले डिसीलाई आपराधिक समूहले नियन्त्रणमा लिएको आरोप समेत लगाएका छन्। महानगरीय प्रहरी विभागको तथ्यांक अनुसार सन् २०२३ देखि २०२४ मा हत्यामा ३२ प्रतिशतले कमी आएको छ। सो सङ्ख्या सन् २०१९ यताको सबै भन्दा कमी हो। यस वर्ष पनि १२ प्रतिशतले कमी आएको छ।

ह्वाइट हाउसका डेपुटी चिफ अफ स्टाफ स्टेफन मिलरले भने डिसी बगदादको तुलनामा बढी हिंसात्मक भएको प्रतिक्रिया दिएका छन्।