भिजिट भिसामा विदेश जान लागेका ८४ जनालाई विमानस्थलबाट फर्काइयाे
काठमाडौं- भिजिट भिसामा विभिन्न देश जान लागेका ८४ जनालाई अध्यागमन कार्यालयले विमानस्थलबाट फर्काएको छ ।
त्रिभुवन अन्तर्राष्ट्रिय विमानस्थल अध्यागमन कार्यालयका अनुसार पछिल्लो २४ घण्टामा ८४ जनालाई फिर्ता गरिएको हो ।
भिजिटको उद्देश्य पुरा नभएका र कागजात नपुगेका यात्रुलाई विदेश जानबाट रोक लगाइएको अध्यागमन कार्यालयले जनाएको छ । उनीहरू कतार, दुबई र बहराइन जान लागेका थिए ।
भिजिट भिसाको बहानामा विभिन्न देशमा पुगेर अवैध रुपमा काम गर्ने घटना बढेपछि अध्यागमन विभागले कडाइ गरिरहेकाे छ ।
प्रकाशित मिति: मंगलबार, माघ ९, २०८० १७:१४
प्रतिक्रिया दिनुहोस्