मुम्बई - भारतको महाराष्ट्रस्थित ठाणे जिल्लाकाे शाहपुरमा पुल बनाउने क्रममा ‘गर्डर मेसिन’ (क्रेन) खस्दा १६ जनाको मृत्यु भएको छ भने ३ जना घाइते भएका छन् ।
मंगलबार बिहान शाहपुर नजिकै एउटा गर्डर मेसिन (पुल निर्माण गर्दा ठूला सामान लोड गर्न प्रयोग गरिने यन्त्र) खसेर १६ मजदुरकाे मृत्यु भएकाे हाे ।
घाइतेहरुलाई अस्पताल पुर्याएको प्रहरीले जनाएको छ। साथै मृतकको शव पनि पोष्टमार्टमका लागि अस्पताल पठाइएको छ।
निर्माणाधीन ७ सय १ किलोमिटर लामो समृद्धि महामार्गलाई मुम्बई-नागपुर एक्सप्रेसवे पनि भनिन्छ । याे मुम्बई-नागपुर शहरलाई जोड्ने प्रमुख राजमार्ग हो।
प्रकाशित मिति: मंगलबार, साउन १६, २०८० १०:१७
प्रतिक्रिया दिनुहोस्
