काठमाडौँ– ग्रेट वालमोटर (जिडब्लुएम) गाडीकोे नेपालका लागि आधिकारिक बिक्रेता भिजी इम्पेक्स प्रालिले नेपाली बजारमा ‘बाई ग्रेट, सेभ बिग’अफर ल्याएको छ ।
यो अफर नेपालभर ४५ दिनसम्म चालु रहने कम्पनीले जनाएको छ । यो अवधिमा खरिद गरिएका जिडब्लुएमका सबै प्रकारका गाडीमा मान्य हुनेछ ।
कम्पनीले ग्राहकहरूप्रति आफ्नो प्रतिवद्वतालाई निरन्तरता दिँदै ‘बाइ ग्रेट, सेभ बीग’अफर सार्वजनिक गरेको हो । उक्त अफरबाट ग्राहकहरूलाई सुपथ मूल्यमा आनन्द र आरामदायी ड्राइभ प्रदान गर्ने कम्पनीले विश्वास लिएको छ ।
यस योजनाअन्तर्गत ग्राहकहरूले आकर्षक नगद छुट, १ वर्षको व्यापक बिमा, एक्सचेन्ज बोनस, स्पट भ्यालुएसन र निःशुल्क एक्सेसरिजलगायत ५ लाख रुपैयाँसम्मका फाइदाहरू पाउनेछन् ।
जिडब्लुएमको बारेमा ग्रेट वाल मोटर (जिडब्लुएम) ग्लोबल इन्टेलिजेन्ट टेक्नोलोजी कम्पनी हो, जसको विश्व बजारमा ८० सब्सिडियरी र अफिलिएट छन् । साथै, यस कम्पनीको कर्मचारी संख्या ७० हजार धेरै छ ।
विगत ६ वर्षदेखि यस कम्पनीले हरेक साल १० लाखभन्दा धेरै गाडीहरू बिक्री गरिरहेको छ । चीनबाहेक जिडब्लुएमले आफ्ना उत्कृष्ट गाडीहरू ६० भन्दा धेरै राष्ट्रमा ७०० भन्दा धेरै केन्द्रबाट सफलतापूर्वक बिक्री गरिरहेको छ ।
जिडब्लुएम नेपालले हाभल एच सिक्स, हाभल जोलायन, पावर र विंगल ५ जस्ता ग्लोबल मोडेलहरूका साथ नेपालमा आफ्नो उपस्थितिलाई स्थापित गरेको छ । जिडब्लुएम–नेपालले आफ्नो बजार विस्तार गर्न अत्याधुनिक मोडलहरू र प्रिमियम सुविधाहरू उपलब्ध गराउँदै भावी पुस्ताको अटोमोटिभ चाहनालाई बढावा दिने बाचा कम्पनीले गरेको छ ।
भिजी इम्पेक्स नेपालमा ग्रेट वाल मोटरको आधिकारिक आयातकर्ता हो । वर्षौंदेखि चीनका साथै विश्वको ६० भन्दा बढी राष्ट्रहरूमा अत्याधिक सफलताको आनन्द लिएपछि भिजी इम्पेक्स/ग्रेट वाल मोटर नेपालले यी लोकप्रिय गाडीहरू नेपाल ल्याउन सफल भएको छ ।
जिडब्लुएम नेपालले आफ्ना बिक्री र बिक्रीपछिको स्तरीय सेवालाई पनि निरन्तर स्तरोन्नति गर्दै देशव्यापी नयाँ बिक्री केन्द्रहरू थप्दै सेवा सुविधाहरूमा वृद्धि ल्याइरहेको छ ।
कम्पनीले उपभोक्ताहरूलाई नयाँ र बृहत् सेवाहरू प्रदान गर्ने र नेपालको इलेक्ट्रिक भेहिकल इको सिस्टमलाई अगाडि बढाउनमा केन्द्रित रहेको कम्पनीले जनाएको छ ।
