किरात राई समुदायले श्रद्धा र उत्साहपूर्वक उभौली पर्व मनाए

 ईश्वर दुलाल
काठमाडौ। देशभरका किरात राई समुदायले श्रद्धा र उत्साहपूर्वक उभौली पर्व मनाइरहेका छन् । कृषिसँग गहिरो सम्बन्ध राख्ने यस पर्वमा देवी–देवतासँग राम्रो बाली र वर्षा ऋतुको स्वागत गरिँदै आस्था प्रकट गरिन्छ।

नेपाल अनेक जात, धर्म, भाषा र संस्कृतिले भरिएको मुलुक हो । यहाँको विविधता हाम्रो सम्पत्ति हो, र यही विविधताभित्रको एकता हाम्रो पहिचान हो ।

यस वर्षको उभौली पर्व कोशी प्रदेशको पथरीशनिश्चरे नगरपालिका क्षेत्रमा अझ विशेष रह्यो—किरात राई समुदायसँगै अन्य संस्कार र संस्कृतिलाई मान्ने समुदायको पनि उत्साहजनक सहभागिता देखियो ।

क्यानडा नेपालले कैद गरेको एउटा तस्बिरमा राई समुदायकी चेली र चौधरी समुदायकी चेली एउटै हर्ष, सम्मान र भाइचाराको भावनासहित उभौली पर्वमा रमाइरहेका छन् । यो दृश्य आफैँमा ‘अनेकतामा एकता’ को ज्वलन्त प्रमाण हो ।

हाम्रो चाडपर्व केवल जातीय सीमामा मात्र होइन, सम्पूर्ण नेपालीको साझा उत्सव बनून् भन्ने चाहना बोकेर आजको दिन मनाउन पाउनु गौरवको कुरा हो ।