काठमाडौँ- भारतमा चलिरहेको एसएमएस फ्रेन्डशिप कप टी-२० क्रिकेट शृङ्खलामा नेपालले बरोडालाई १ सय ५७ रनको लक्ष्य दिएको छ ।
गुजरातको वापीमा टस हारेर ब्याटिङ गरेको नेपालले २० ओभरमा ६ विकेट गुमाएर १ सय ५६ रन बनायो । नेपालका कुशल मल्लले सबैभन्दा धेरै नट आउट ४२ रन बनाए । यस्तै सन्दीप जोराले २९ रन बनाए । बलिङतर्फ बरोडका बाबा खानले २ विकेट लिए ।
टी-२० क्रिकेट शृङ्खलामा भोलि नेपाल र गुजरात तथा चैत २३ गते नेपाल र बरोडाबीच खेल हुनेछ । फाइनल खेल चैत २५ गते हुनेछ ।
प्रकाशित मिति: मंगलबार, चैत २०, २०८० १६:४४
प्रतिक्रिया दिनुहोस्
