काठमाडौैं– राष्ट्रिय सभाका १९ सदस्यको निर्वाचनमा सत्ता गठबन्धनमा भागवन्डा मिलेको छ। माधवकुमार नेतृत्वको नेकपा एकीकृत समाजवादी पार्टीले असन्तोषबीच २ सिट पाउँदा कांग्रेसले १० सिट हात पारेको छ।

नेकपा माओवादी केन्द्रलाई ६ सिट दिने सहमति भएको छ भने अर्को घटक जनता समाजवादी पार्टी (जसपा)ले १ सिट प्राप्त गर्ने भएको छ।

राष्ट्रपति रामचन्द्र पौडेलले मनोनित गर्ने सीटमा राष्ट्रिय जनमोर्चाकी दुर्गा पौडेलका नाममा सहमति जुटेको बताइएको छ।

गठबन्धनमा सहमति जुट्नासाथ कांग्रेस, माओवादी, एकीकृत समाजवादी, जसपा उम्मेदवार टुङ्ग्याउने बैठकमा छन्।

कांग्रेसका १० मध्य ४ सिटमा डा. शेखर कोइराला पक्षको दाबी रहेको छ।