काठमाडौँ– च्याम्पियन्स लिग फुटबल प्रतियोगिताको सेमिफाइनलअन्तर्गत मिलान डर्बीमा इन्टर मिलानले २ गोलको अग्रता बनाएको छ ।
गएराति सान सिरोमा भएको खेलको पहिलो लेगमा इन्टरले एसी मिलानलाई २–० ले पराजित गरेको हो ।
पहिलो लेगमा २ गोलको अग्रता लिएसँगै इन्टरले फाइनलमा पुग्ने सम्भावना बलियो बनाएको छ ।
इन्टरले पहिलो हाफको ११ औँ मिनेटमै २ गोलको अग्रता बनाएको थियो ।
खेलको आठौँ मिनेटमै इडेन जेकोले गोल गर्दै इन्टरलाई अग्रता दिलाएका थिए । त्यसको तीन मिनेटपछि नै हेनरिक मिखाटेरियनले गोल गरी इन्टरको अग्रता दोब्बर पारे ।
त्यही अग्रता दोस्रो आफमा पनि कायम राख्दै इन्टरले २ गोल अन्तरमा खेल जित्यो ।
अब आगामी मे १७ मा हुने दोस्रो लेगमा फेरि २ इटालियन क्लब भिड्नेछन् । यसमा इन्टर १ गोल अन्तरले पराजित भए पनि फाइनलमा पुग्नेछ ।
प्रकाशित मिति: बिहीबार, वैशाख २८, २०८० ०८:३८
प्रतिक्रिया दिनुहोस्
