काठमाडौं–नासा फाउण्डेशन नेपालको आयोजना, ग्लोबल एलाइन्स अफ एजनीओ फर रोड सेफटीसँगको आवद्धतामा तेस्रो काठमाडौं सडक सुरक्षा चलचित्र महोत्सव सम्पन्न भएको छ । 

नेपाल अटोमोवाइल्स एसोसीएसन (नासा)सँगको सहकार्यमा सम्पन्न महोत्सवमा कुल उत्कृष्ट ९ वटा सर्ट फिल्मले सहभागिता जनाएका थिए । जस मध्ये गणेश उपाध्यायद्वारा निर्देशित  चलचित्र ‘प्रबोध’ उत्कृष्ट भएको छ ।

यस्तै, कृष्ण शाहद्वारा निर्देशित  फिल्म ‘मम ड्याड गिफ्टेड’ दोस्रो र विवेक थापाद्वारा निर्देशित ड ‘इन्फ्लुसेन्ड’ तेस्रो बन्न सफल भएको थियो । मोटरसाइक्लिङ सेफ्टी थिममा आयोजना गरिएको महोत्सवका विजेता फिल्महरूलाई क्रमश ५० हजार, ३० हजार र २० हजार नगदसहित शिल्ड, सर्टिफिकेट र युएन मान्यताप्राप्त सुरक्षित हेल्मेट समेत प्रदान गरिएको थियो ।

कलाकार आरपी पन्तको संयोजकत्वमा रेजिना उप्रेती, रामशरण पाठक, ई. आशिष गजुरेल र नविन निरौला सम्मिलित जुरी टिम गठन गरिएको थियो ।

महोत्सवमा विनोद पाण्डे निर्देशित ‘लोकल चिया’ लाई ‘स्पेशल जुरी अवाड’ प्रदान गरियो ।