काठमाडौँ– नेपाली क्रिकेट टोलीका पूर्वकप्तान पारस खड्कासम्मिलित एसिया लायन्सले लेजेन्ड्स क्रिकेट लिगमा वर्ल्ड जायन्ट्समाथि ३५ रनको जित हासिल गरेको छ ।
कतारमा जारी प्रतियोगिताअन्तर्गत गएराति जितका लागि १०० रनको विजयी लक्ष्य पछ्याएको जायन्ट्सले निर्धारित १० ओभरमा ५ विकेट गुमाउँदै ६४ रनमात्र बनाउन सक्यो ।
जायन्ट्का लागि क्रिस गेलले सर्वाधिक २३ रन बनाए ।
त्यसअघि दोहामा टस हारेर पहिला ब्याटिङ गरेकोे पाएको लायन्सले निर्धारित १० ओभरमा ३ विकेट गुमाउँदै ९९ रन बनाएका थियो । प्लेयर अफ द म्याच चुनएका लायन्सका मिस्बाह उल हक ४४ रनमा अविजित रहेका थिए ।
नेपालका पूर्वकप्तान पारस टोलीको प्लेइङ ११ मा परेका थिए । तर, उनले ब्याटिङ र बलिङ दुवै गर्ने अवसर पाएनन् ।
भिजेको आउट फिल्डका कारण खेल १०–१० ओभरमा झारिएको थियो । यस्तै खेल निर्धारित समयभन्दा झण्डै तीन घण्टा ढिलो सुरु भएको थियो ।
लायन्सले पहिलो खेलमा इन्डिया महाराजसलाई ९ रनले हराएको थियो ।
लगातार दोस्रो जितपछि लायन्सले शीर्ष स्थान कायमै राखेको छ ।
