काठमाडौँ– अखिल नेपाल फुटबल संघ (एन्फा) का ३ जना उपाध्यक्षसहित ११ सदस्यहरूले कार्यसमितिको बैठक बहिस्कार गरेका छन् ।
बुधबार एन्फा कम्प्लेक्समा बसेको बैठकमा उनीहरूले आफ्ना ६ वटा एजेन्डा थप गर्न माग गरे पनि बेवास्ता गर्दै जबरजस्ती बैठक अघि बढाएपछि असन्तुष्ट भएर उनीहरू बैठक छाडेर हिँडेका हुन् ।
बैठक बहिस्कार गर्नेमा उपाध्यक्षहरू दीर्घबहादुर केसी, विराटजंग शाही र दीपक खतिवडा छन् ।
यस्तै, सदस्यहरू भोजराज शाही, रमेश व्यञ्जनकार, रूपेश केसी, रविन चन्द, भरत बुद थापा, महेन्द्र क्षेत्री, पेमा लामा र टीका लामाले पनि बैठक छाडेका छन् ।
उनीहरूले अध्यक्ष पंकजविक्रम नेम्वाङ तानाशाही शैलीमा चलेको आरोप लगाएका छन् ।
प्रकाशित मिति: बुधबार, फागुन १७, २०७९ १४:३६
प्रतिक्रिया दिनुहोस्
