काठमाडौँ– युएईमा जारी आइसिसी यू–१९ पुरुष विश्वकपको एसिया छनोट प्रतियोगितामा नेपालले आज हङकङसँग खेल्दैछ ।
दुई खेलमा शतप्रतिशत जित निकालेको नेपालले आफ्नो तेस्रो खेलमा आज हङकङको सामना गर्दैछ । यो खेल नेपाली समयअनुसार बिहान १०ः४५ बाट सुरु हुनेछ ।
नेपालले पहिलो खेलमा शुक्रबार सिंगापुरलाई र दोस्रो खेलमा शनिबार कुवेतलाई पराजित गरेको थियो । यसर्थ, नेपाल आज लगातार तेस्रो जित निकाल्न चाहन्छ ।
नेपाल २०१६ पछि पहिलो पटक विश्वकपमा छनोट हुने लक्ष्यका साथ युएई पुगेको छ ।
प्रतियोगितामा नेपालसहित सिंगापुर, कुवेत, हङकङ, मलेसिया र आयोजक यूएईको सहभागिता छ ।
यीमध्येको शीर्ष टोली २०२४ मा श्रीलंकामा हुने यू–१९ विश्वकपका लागि छनोट हुनेछ ।
नेपालको कप्तानी देव खनालले गरिरहेका छन् ।
प्रकाशित मिति: सोमबार, फागुन १५, २०७९ ०८:०८
प्रतिक्रिया दिनुहोस्
