यू १९ विश्वकप छनोट : नेपालद्वारा सिंगापुर ९६ रनले पराजित
काठमाडौँ –आईसीसी यू–१९ क्रिकेट विश्वकपको एसिया छनोटमा नेपालले सिंगापुरलाई ९६ रनले पराजित गरेको छ ।
यूएईको इडेन गार्डेन ओभल अज्मानमा शुक्रबार टस जितेर ब्याटिङ थालेको नेपालले ७ विकेट गुमाएर २६१ रन बनाएको थियो । जवाफी ब्याटिङमा आएको सिंगापुरले ७ विकेट गुमाएर १६५ रनमात्र बनाउन सक्यो ।
नेपालका लागि १०० बलको सामना गरेका आकाश ७८ रनको इनिङ खेले । नेपालका सुबासले र हेमन्त धामीले दुई–दुई विकेट लिए ।
छनोटमा नेपालसँगै सिंगापुर, हङकङ, मलेसिया, कुवेत र यूएई सहभागी छन् । छनोट चरणबाट शीर्ष स्थानमा रहने टिमले सन् २०२४ मा हुने यू–१९ एकदिवसीय क्रिकेट विश्वकपमा स्थान बनाउने छ ।
प्रकाशित मिति: शुक्रबार, फागुन १२, २०७९ २०:५८
प्रतिक्रिया दिनुहोस्