काठमाडौँ – प्रथम सरस्वती कप सिनियर÷जुनियरको उपाधि इचङुनारायण डोजो र ब्रह्मास्मी स्कुलले जितेको छ ।
नेपाल वादोरियो कराते सरस्वती डोजोको आयोजनामा माघ १३ र १४ गते भएको प्रथम सरस्वती कपको सिनियर एण्ड जुनियर करातेको उपाधी सिनियरतर्फ इचङुनारायण डोजोले जितेको हो ।
कुल १४ स्वर्ण पदकका लागि भएको प्रतिस्पर्धामा इचङुले २ स्वर्ण २ रजत र ५ कास्य पदक जित्न सफल भयो । दोस्रो भएको च्याम्पियन मार्सल आर्ट एकेडेमीले २ स्वर्ण १ रजत र ३ कास्य हात पार्यो । तेस्रो भएको मनमैजु डोजोले २ स्वर्ण १ रजत र ३ कास्य जित्यो । आयोजक सरस्वती डोजोले भने १ स्वर्ण ५ रजत र ५ कास्यमा चित्त बुझायो ।
त्यस्तै जुनियर तर्फ भने ब्रह्मास्मी स्कुल प्रथम भएको छ । ब्रह्मास्मीले ६ स्वर्ण ६ रजत र ७ कास्य हात पार्दा ५ स्वर्ण २ रजत र १ कास्य पदक सहित पाँचपोखरी स्कुल टिम दोस्रो बन्यो । त्यसैगरी ३ स्वर्ण ५ रजत र ८ कास्य जितेको योङहार्ट स्कुल टिम तेस्रो बन्यो । २ दिनसम्म चलेको प्रतियोगिताको उदघाट्न प्रतिनिधिसभा सदस्य सन्तोष चालिसेले गरेका थिए ।
विजयी खेलाडीहरुलाई मेडल तथा प्रमाण पत्र गोकर्णेश्वर नगरपालिका प्रमुख दिपक रिसाल, वडा अध्यक्ष नारायण सुवेदी, नेपाल कराते महासंघका महासचिव हरिशरण केसी लगाएतले वितरण गरेका थिए। प्रतियोगितामा विभिन्न जिल्लाबाट २५ वटा स्कुल ÷ डोजोका ३५० खेलाडीले सहभागिता रहेको थियो ।
सिनियर इभेन्ट्मा क्रमश २५ हजार १५ हजार र १० हजार नगद पुरस्कार प्रदान गरिएको थियो । गोकर्णेश्वर नगरपालिकाको सहयोगमा प्रतियोगिताको आयोजना गरिएको प्रतियोगिताका संयोजकसमेत रहेका सरस्वती डोजोका प्रमुख प्रशिक्षक पुरुषोत्तम पोखरेलले जानकारी दिए ।
