काठमाडौं-नेपालले पहिलो विकेटको रुपमा कुशल भुर्तेललाई गुमाएको छ ।
वेस्ट इन्डिजले दिएको १७३ रनको लक्ष्य पहिल्याउने क्रममा भुर्तेल १३ रन बनाएर आउट भएका हुन् ।
नाै बलकाे सामना गरेका उनी तीन चाैका प्रहार गर्दै वेस्ट इन्डिजका ओबेड म्याक्वेकाे बलमा आउट भए ।
अहिले आरिफ शेख र अनिल साह क्रिजमा छन् ।
पाँच श्रृंखलाकाे आज अन्तिम टी–२० खेलमा वेष्ट इन्डिज ‘ए’ ले नेपाललाई १७३ रनको लक्ष्य दिएको छ ।
टीयु क्रिकेट मैदानमा टस जितेर पहिला ब्याटिङ गरेको वेष्ट इन्डिज ‘ए’ ले निर्धारित २० ओभरमा ७ विकेट गुमाएर १७२ रन बनाएको हो ।
वेष्ट इन्डिज ‘ए’ का लागि एलिक अथान्ज सर्वाधिक ३५ रनमा अविजित रहे । रोस्टन चेसले ३३ र जोन्सन चार्ल्सले २४ रन बनाए । फाबिएन एलेन ३३ रनमा अविजित रहे ।
प्रकाशित मिति: शनिबार, वैशाख २२, २०८१ १४:२७
प्रतिक्रिया दिनुहोस्
