मटिहानी आगलागी पीडितलाई काठमाडौँ महानगरले १० लाख सहयोग गर्ने
काठमाडौँ- काठमाडौँ महानगरपालिकाले महोत्तरीको मटिहानी नगरपालिका-६ जरलहवा टोलका आगलागी पीडितलाई १० लाख रुपैयाँ सहयोग गर्ने भएको छ ।
महानगर विपद् व्यवस्थापन समितिले आगलागीको विपद्मा परेका व्यक्ति तथा परिवारको राहत तथा पुनर्स्थापनाका लागि सो रकम सहयोग गर्ने निर्णय गरेको हो । निर्णय बमोजिम सोमबार रकम नगरपालिकाको खातामा जम्मा हुने गरी पठाउने महानगरले जनाएको छ ।
जरलहवा टोलमा १२ गते बुधबार दिउँसो १ बजेदेखि आगलागी सुरु भएको थियो ।
आगलागीमा परेर ९१ कच्ची र ९ अर्धपक्की गरी एक सय घर जलेका छन् । यसबाट ४५५ जना व्यक्ति प्रभावित भए ।
प्रकाशित मिति: सोमबार, वैशाख १७, २०८१ १३:३६
प्रतिक्रिया दिनुहोस्