काठमाडौँ - ओमानमा जारी एसीसी प्रिमियर कपको सेमिफाइनलमा नेपालले युएईसँग खेल्ने भएको छ ।
समूह ‘ए’ को विजेता नेपालले सेमिफाइनलमा समूह ’बी’ को उपविजेता युएईसँग खेल्ने भएको हो । समूह ’ए’ उपविजेता हङकङले समूह ’बी’ को विजेता ओमानसँग खेल्नेछ । दुवै सेमिफाइनल खेल शुक्रबार हुनेछ ।
समूह चरणमा नेपाल र ओमनले चार ओटै खेलमा जित हासिल गरेका छन् । युएई ३ खेलमा जित र एक खेलमा हार र हङकङ दुई खेलमा जित र दुई खेलमा हार बेहोरेको छ ।
प्रतियोगिताको विजेता टोलीले २०२५ मा हुने एसिया कप खेल्न पाउनेछ ।
प्रकाशित मिति: बुधबार, वैशाख ५, २०८१ २०:०६
प्रतिक्रिया दिनुहोस्
