काठमाडौँ- संघीय संसद् अन्तर्गत प्रतिनिधि सभाको हिउँदे अधिवेशन आज राति १२ बजेबाट अन्त्य हुँदैछ ।
२०८० माघ २२ गतेबाट प्रारम्भ भएको उक्त अधिवेशनको अन्तिम बैठक आज बसेको थियो । सभामुख देवराज घिमिरेले ७० दिनमा भए-गरेका काम कारबाहीको संक्षिप्त जानकारी गराएका छन् ।
२३ वटा बैठकमा ८१ घण्टा ५५ मिनेट संसदीय काम कारबाहीमा व्यतीत रहेको घिमिरेले बताए । यस अधिवेशनमा ५ वटा सरकारी विधेयक दर्ता भएको छ । राष्ट्रियसभामा उत्पत्ति भएका ३ वटा सरकारी र एउटा गैरसरकारी विधेयकमध्ये एउटाको सामान्य छलफल सकिएको र बाँकी ३ वटा पेश गरिएको छ । सभाको पहिलो र दोस्रो अधिवेशनमा राष्ट्रियसभाबाट प्राप्त ८ वटा विधेयकमध्ये २ वटा पारित भएको र ६ वटा समितिमा विचाराधीन रहेको जानकारी गराइयो ।
हिउँदे अधिवेशनबाट कूल ३ वटा विधेयक पारित गरिएको छ ।
संक्षिप्त विवरण :
प्रकाशित मिति: आइतबार, वैशाख २, २०८१ १३:५३
प्रतिक्रिया दिनुहोस्
