काठमाडौँ– सत्तारुढ ८ दलको बैठकले बुधबार बिहान ११ बजेसम्म सांसदहरूलाई काठमाडौँ आइसक्न निर्देशन दिएको छ ।
मंगलबार सिंहदरबारस्थित नेपाली कांग्रेसको संसदीय दलको कार्यालयमा बसेको ८ दलको बैठकले राष्ट्रपति निर्वाचनका लागि सांसदहरूलाई बुधबार बिहान ११ बजेसम्म काठमाडौँ आइपुग्न निर्देशन दिएको हो ।
गठबन्धन कार्यदलका संयोजक एवं कांग्रेस उपसभापति पूर्णबहादुर खड्काले राष्ट्रपति निर्वाचनका लागि मतदाताहरूलाई बुधबारसम्म काठमाडौं आइपुग्न निर्देशन दिइएको बताए ।
यस्तै, बैठकले शतप्रतिशत भोट खस्ने गरी ८ दलले पहल गर्ने पनि निर्णय गरेको छ ।
राष्ट्रपतिको निर्वाचन यही फागुन २५ गते हुँदै छ । राष्ट्रपति निर्वाचनका लागि निर्वाचन आयोगले मंगलबारदेखि निर्वाचन आचारसंहिता लागू गरिसकेको छ ।
प्रकाशित मिति: मंगलबार, फागुन २३, २०७९ १५:४५
प्रतिक्रिया दिनुहोस्
