८ दलीय कार्यदलको बैठक बस्दै
काठमाडौँ– राष्ट्रपति र उपराष्ट्रपति पदको निर्वाचन तथा समसामयिक राजनीतिक विषयमा छलफल गर्न ८ दलीय कार्यदलको बैठक बस्दै छ ।
बैठक अहिले केहीबेरमा नेपाली कांग्रेस संसदीय दलको कार्यालय सिंहदरबारमा बस्न लागेको कांग्रेस प्रमुख सचेतक रमेश लेखकले जानकारी दिए ।
कांग्रेस उपसभापति पूर्णबहादुर खड्का संयोजकत्वको कार्यदलमा नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी नेपाल, लोकतान्त्रिक समाजवादी पार्टी नेपाल, नागरिक उन्मुक्ति पार्टी, जनमत पार्टी र राष्ट्रिय जनमोर्चाका नेताहरू छन् ।
यही फागुन २५ गते हुने राष्ट्रपति पदको निर्वाचनमा सो गठबन्धनबाट कांग्रेस वरिष्ठ नेता रामचन्द्र पौडेल साझा उम्मेदवार छन् ।
प्रकाशित मिति: मंगलबार, फागुन २३, २०७९ १४:४४
प्रतिक्रिया दिनुहोस्