एजेन्सी– साउदी अरेबियाको क्लब ‘अल नसर’ले पोर्चुगिज फरवार्ड क्रिस्टियानो रोनाल्डोलाई अनुबन्धको तयारी नजिक पुगेको छ।

स्पेनिस पत्रिका मार्काले रोनाल्डो ‘अल नसर’मा अनुबन्धको तयारी नजिक पुगेको जनाएको छ । पत्रिकाका अनुसार ‘अल नसर’ले रोनाल्डोलाई कीर्तिमानी मूल्यमा अनुबन्ध गर्न लागेको हो ।

नसरले रोनाल्डोलाई वार्षिक १ सय ७५ मिलियन पाउन्डको अफर गरेको थियो । सम्भावित अनुबन्धको बारेमा छलफल गर्न रोनाल्डो रियाद पुगिसकेका छन् । ३७ वर्षीय रोनाल्डोले अल नसरसँग ७ वर्षको सम्झौता गर्ने बताइएको छ । म्यानचेस्टर युनाईटेड छाडेपछि रोनाल्डो क्लब विहीन रहेका छन् ।

रोनाल्डोको कप्तानीमा रहेको पोर्चुगल मोरक्कोसँग पराजित हुँदै कतार विश्वकपको क्वाटरफाइनलबाट बाहिरिएको थियो ।