पेनाल्टी सुटआउटमा फ्रान्सलाई हराउँदै अर्जेन्टिना बन्यो विश्व विजेता
एजेन्सी– फिफा विश्वकप फुटबल २०२२ उपाधी अर्जेन्टिनाले उचालेको छ । पेनाल्टी सुटआउटमा फ्रान्सलाई हराउँदै अर्जेन्टिनाले विश्वकप २०२२ को उपाधि उचालेको हो ।
फाइनल खेलको अतिरिक्त समयमा बराबरीमा गएपछि भएको पेनाल्टी शुटआउटमा ४–२ को अन्तरले अर्जेन्टिनाले उपाधि उचालेकाे हाे । यसअघिकाे अतिरिक्त समयकाे ११८ औँ मिनेटमा केलियन एमबाप्पेले तेस्राे गोल गरेर फ्रान्सलाई ३–३ बराबरीमा पुर्याएका छन् । उनले फाइनल खेलमा ह्याट्रिक पूरा गरेका छन् ।
यसअघि, खेलकाे १०९ औँ मिनेटमा लियोनल मेस्सीले गोल गरेर अर्जेन्टिनालाई ३–२ अग्रता दिलाएका थिए ।
खेलकाे पुरा समयमा फ्रान्स र अर्जेन्टिनाले २–२ काे बराबरीमा खेलेपछि खेल अतिरिक्त समयमा गएको हाे । यसअघि फ्रान्सले खेलको ८० औँ मिनेटमा पाएको पेनाल्टी शुटआउटमा गोल गरेका केलियन एमबाप्पेले २ मिनेटको अन्तरमा दोस्रो गोल गरेका छन् ।
फ्रान्स विश्वकपको फाइनलको पहिलो हाफमा शून्य गोल दर्ता गर्ने पहिलो टोली बनेको छ । फ्रान्सले खेलको ७१ औँ मिनेटमा किंग्सले कोमनको स्थानमा एन्टोनी ग्रिजम्यान र हर्नान्डेजको स्थानमा एडुआर्डो क्यामाभिङ्गालाई मैदानमा उतारेको थियाे ।
यसअघि पहिलो हाफमै फ्रान्सले दुई खेलाडी परिवर्तन गरेको छ । डेम्बेले र जिराउड बाहिरिएका छन्। उनीहरुको स्थानमा थुराम र कोलो मुआनी आएका छन् । विश्वकपको फाइनलको पहिलो हाफमा कुनै टोलीले दुई खेलाडी परिवर्तन गरेको यो पहिलो पटक हो ।
खेलको ३६ औँ मिनेटमा डि मारियाले दोस्रो गोल गरेर गर्दै अर्जेन्टिनालाई अग्रता दिलाएका हुन् । त्यस्तै खेलको २२ औँ मिनेटमा पाएको पेनाल्टीलाई सदुपयोग गर्दै लियोनल मेस्सीले खेलकाे २३ औँ मिनेटमा गोल गर्न सफल भएका हुन् ।
विश्वकप २०२२ फाइनल खेलमा एन्जेल डि मारियाले अर्जेन्टिनाको लागि फ्रान्सको विरुद्धको विश्वकपको फाइनल खेलमा भिडन्त गरिरहेका छन् ।
दुबै टिमको लाइन अप रणनीति
अर्जेन्टिनाको कोच लियोनेल स्कालोनीले ४–३–३ को लाइन अप ढाँचालाई रोजेका थिए। समूह चरणमा नखेलेका डि मारियाले नेदरल्याण्ड्सविरुद्धको क्वार्टरफाइनलको जितमा आठ मिनेट मात्र खेलेका थिए । आजको खेलमा उनी खेल रणनीतिअनुसार आक्रमणको दायाँपट्टि छन् । त्यस्तै, लियोनल मेस्सी विश्वकपको फाइनलमा सबैभन्दा बढी खेल्ने खेलाडी बन्ने भएका छन् ।
त्यसैगरी, फ्रान्सका प्रशिक्षक डिडियर डेसच्याम्प्सले पनि ४–३–३ को लाइन अप ढाँचालाई रोजेका थिए। उनको यो सबैभन्दा मनपर्ने लाइनअपमा भएको बताए । उनले आजको खेलमा सेन्टर ब्याक डेयोट उपमेकानो र एड्रियन राबियोटलाई खेलाए । दुबैजना म्यानचेस्टर युनाइटेडका डिफेन्डर हुन् । मोरक्को विरुद्धको सेमिफाइनलपछि भाइरसको संक्रमणबाट उनीहरु खेलेका थिएनन् । त्यस्तै, ओलिभियर गिराउडको बायाँ लाइनअपबाट केलियन एमबाप्पे र उसको दायाँतर्फ उस्माने डेम्बेले खेलेका छन् ।
अर्जेन्टिनाः मार्टिनेज, मोलिना, रोमेरो, ओटामेन्डी, अकुना, डेपल, फर्नांडीज, म्याकअलिस्टर, मारिया, मेस्सी र अल्भारेज ।
फ्रांसः लोरिस, कुंद, वाराणे, उपमेकानो, हर्नांडेज़, ग्रीज़मैन, चौमेनी, रैबियोटस डेम्बेले, गिरौद र एमबीप्पे