काठमाडौँ—नेपाली काँग्रेसका नेता शेखर कोइरालाले अर्थतन्त्र समस्यामा परेका बेला राष्ट्र बैङ्कको गभर्नरलाई कारवाही गर्नु सरकारको गैरजिम्मेवारपन भएको बताएका छन् ।
नेपाल निजामती कर्मचारी युनियनले मंगलबार काठमाडौंमा आयोजना गरेको कार्यक्रममा कोइरालाले मुलुकको अर्थतन्त्र सुधार गर्ने काम गर्न लाग्दा गभर्नरलाई कारवाही गरेर सरकारले सहि काम नगरेको बताए ।
अर्थमन्त्री र गभर्नरको खटपट विश्वभर नै हुने गरेको तर नेपालमा भने अनाहक तवरले कारवाही गरिएको उनको भनाई छ । त्यस्तै उनले विवादीत व्यक्तिलाई धमाधम नियुक्ती गर्नुको कारणबारे सरकारले जनतालाई जवाफ दिनुपर्ने बताए ।
उनले स्थानीय तहको उम्मेद्वार चयनका कांग्रेसले केन्द्रबाट हस्तक्षेप गर्न नहुने उल्लेख गरे ।
प्रकाशित मिति: बिहीबार, मंसिर १, २०७९ १६:२२
प्रतिक्रिया दिनुहोस्
